ფუნქცია: ინდივიდუალური საცხოვრებელი სახლი
ადგილმდებარეობა: საგურამო
არეალი: 300 კვ.მ.
სტატუსი: დასრულებული
გუნდი: კახა რომანაძე, ალექსანდრე მოსეშვილი, ანა ბენაშვილი, მედეა მაზანიშვილი
წელი: 2022
საპროექტო ტერიტორია მდებარეობს, საქართველოს დედაქალაქ თბილისიდან, დასავლეთის მიმართულებით 28 კილომეტრში. საგურამოს ნაშენი სუბსტანციის ხასიათს აფორმირებს, სააგარაკე, დასასვენებელი, საცხოვრებელი სახლები.
ნაგებობის მთავარი კონცეფცია ნაკვეთზე პირველივე სტუმრობისას გახდა ცხადი. მუხის მრავალწლოვანი ხე-ნარგავები, ხედი კავკასიონზე და ადგილის რელიეფურობა, იყო ის გამოწვევები რომლისათვისაც პროექტს უნდა ეპასუხა და არსებული მოცემულობა უპირატესობად გამოეყენებინა.
ნარგავების გაბნეულ ჯგუფებად განლაგება იყო მთავარი განმაპირობებელი, ნაგებობის სამხერთ ნაწილში შიდა ეზოს, ხოლო ჩრდილო-დასავლეთ ნაწილში ორივე სართულზე მყუდრო და კომფორტული სოციალურ დასასვენებელი სივრცის არსებობის.
იატაკიდან ჭერამდე ვიტრაჟები არღვევენ საზღვარს, როგორც ლოკალურ ლანდშაფტს და შენობას შორის, ასევე უზრუნველყოფს უწყვეტი პანორამული ხედის არსებობას კავკასიონზე. შესაბამისად ყველა სივრცე არის ვენტილირებადი.
„დენად ფასადთან“ ერთად არსებულ გარემოში ნაგებობის ჰარმონიულად ჩაწერას უზრუნველყოფს, ქართული აგურის მშრალი წყობით მოპირკეთებული ფასადები, რომლსაც ჰორიზონტალურ ანაწევრებს ლითონის ი -სებრი პროფილები, ხოლო ვერტიკალურს წყალგამტარი მილები.
თავისუფალ და მსუბუქ ინტერიერის გეგმარებაში გამოყენებული მძიმე და მსუყე მასალები, როგორიცაა: მეტალი სხვადასხვა სახით და მარმარილო პიეტრა გრეი, ქმნის კონტრასტულობას და საშუალებას იძლევა ინტერიერი იყოს ჰარმონიული გაგრძელება არსებული გარემოსი და ნაგებობის მოცულობის.
არქიტექტურა არის ცოცხალი პროცესი და ზოგჯერ ყველაფრის წინასწარ განსაზღვრა შეუძლებელია, ალბათ არქიტექტურის ერთ-ერთი ხიბლიც ეს არის. პროექტირების ეტაპზე ეს სახლი იყო ჩაფიქრებული როგორც საკვირაო/დასასვენებელი გარემო, მშენებლობის დასრულების შემდეგ მიღებული გარემო კი იმდენად „საკუთარი“ აღმოჩნდა დამკვეთებისთვის რომ, ყოველდღიურ საცხოვრებლად გაიხადეს.
