გეომეტრიული მოცულობები ქმნიან შენობის დინამიურ კომპოზიციას. ბუნებრივი მასალებით მოპირკეთებული ზონები ისეა მოწყობილი, რომ მზის მცხუნვარე სხივებისგან დაიცვას მთავარი სივრცე. შენობის მოცულობებს შორის არსებულ ზონას აერთიანებს მინის დერეფანი რომლის საშუალებითაც სტრუქტურა ღია და მსუბუქია. ინტეგრირებული შიდა მწვანე ეზოები ქმნიან სინათლისა და ჩრდილის თამაშს, როდესაც მზის შუქი გადის მცენარეებში, რის საშუალებითაც სახლის შიდა სივრცე ხდება ცოცხალი და დინამიური.
საცხოვრებელი სახლის მთლიანობა შედგება რამდენიმე დეტალისგან, რომელიც ერთამეთისგან როგორც სივრცულად ასევე მატერიალურადაც განსხვავდება, მაგრამ საბოლო ჯამში ერთიან „ანსამბლს“ ქმნის. ნაგებობის პირველი ნაწილი არის „ხიდი“ როგორც ვიზუალური აღქმით, ასევე თავისი ფუნქციიდან გამომდინარე, რომელიც აკავშირებს პასიური და აქტიურ საცხოვრებელ ზონებს. „ხიდი/დერეფანი“ - ს დასავლეთ მხარეს განთავსებული ორსართულიანი ნაგებობა, რომელიც მოიცავს საძინებელ ოთახებსა და ტექნიკური სივრცეებს, რომლებიც უზრუნველყოფენ

საცხოვრებელი სახლის ფუნქციურ გამართულობას. აღმოსავლეთ მხარეს ნაგებობა ვითარდება მაღალი ერთ სართულიანი სივრცით, სადაც დაგეგმილია სამზარეულოს და მისაღები სივრცის მოწყობა. აღსანიშნავია ისიც რომ, ამ სივრცის ფასადის მოწყობიდან გამომდინარე, „დენადი ფასადით“ უკავშირდება გარე ტერასას, რომელიც გრძელდება საცურაო აუზით, „დენადი ფასადის “ მეშვეობით ნაგებობის ამ ნაწილში წაშლილია საზღვარი შიდა და გარე სივრცებს შორის, ამ ყველაფერს ამძაფრებს იატაკის იდენტური მოწყობა. ადგილობრივი კლიმატური პირობებიდან გამომდინარე ნაგებობის აღნიშნულ ნაწილის გააჩნია ერთგვარი გარსი, რომელიც მოწყობილია ლითონის ფერმებით და მოპირკეთებულია დამუშავებული ბამბუკით. აღნიშნული გარსი უზრუნველყობს ნაგებობის როგორც შიდა ასევე გარე სივრცეში ტემპერატურის ერთგვარ კლებას რაც მეტად აუცილებელია ზაფხულის პირობებში, კომფორტულად ბინადრობისთვის.